Ibra si trajner, Milani harron Juven me fitore – Alsat

Milani kishte nevojë që të linte sa më shpejt pas krahëve humbjen me Juventusin dhe ndaj Torinos ia ka dalë që ta sigurojë atë, duke vazhduar ecurinë e vet në kreun e renditjes të Serisë A, pa u shqetësuar nga ekipet që e ndjekin dhe rezultate te tyre.

Milani tregoi se di të luajë e shënojë edhe pa emra të rëndësishëm. Me të parin Zlatan Ibrahimoviç që ishte ulur në pankinë, por që më shumë dukej si trajner, duke udhëzuar ekipin e ulëritur po aq sa Pioli në momente të veçanta të sfidës.

Për fatin e mirë të Milanit, gjithçka u zgjidh shpejt me golin e Rafael Leaos, i cili tregoi se në sulm mund të vazhdojë të jetë vendimtar nëse i jepen hapësira. Më pas Brahim Diaz fitoi penallti dhe Kesi nuk gaboi nga pika e bardhë, duke dyfishuar shifrat.

Kjo fitore e çon Milanin në +4 nga Interi ndjekës, ndërsa i jep pak qetësi skuadrës që tregoi se humbja me Juventusin nuk kishte lënë pasoja.

The post Ibra si trajner, Milani harron Juven me fitore appeared first on Alsat.

LEXO EDHE:

Back to top button