Vesa Luma e mbajti fjalën, i është rikthyer punës në një studio – Alsat

Jemi të bindur se ju ka munguar shumë në muzikë këngëtarja Vesa Luma, e cila prej kohësh është “arratisur” në Zelandën e Re dhe na dukej sikur na kishte lënë pas dore. Prej kohësh fansat i kanë kërkuar të rikthehet në muzikë, por asnjëherë s’ka qenë momenti më i përshtatshëm për Vesën.

Fillimisht, ajo përjetoi një stres të madh me zhvendosjen në Zelandën e Re së bashku me partnerin dhe djalin e tyre, ndaj nuk ndihej e fokusuar për të sjellë projekte të reja.

Më vonë, pandemia Covid-19 bllokoi çdo plan dhe këngët e Vesës që ia kishte premtuar prej kohësh publikut, sërish u shtynë. Mirëpo, premtimin s’e tret as dheri thonë, ndaj Vesa vonoi por nuk harroi!

Me postimin e fundit në InstaStory, ajo i ka bërë zemrat mal fansave të saj, teksa ka treguar se ndodhet në studio dhe po punon për projektin e saj të ri.

Nuk kemi të tjera detaje dhe s’e dimë nëse bëhet fjalë për një bashkëpunim me Big Bastën, të cilin fansat kanë kohë që ia kanë kërkuar.

Megjithatë, fillimi i mbarë është gjysma e punës dhe ne na mbetet vetëm të presim!

Jemi të bindur se ju ka munguar shumë në muzikë këngëtarja Vesa Luma, e cila prej kohësh është “arratisur” në Zelandën e Re dhe na dukej sikur na kishte lënë pas dore.

The post Vesa Luma e mbajti fjalën, i është rikthyer punës në një studio appeared first on Alsat.

LEXO EDHE:

Back to top button